جہلم (لارڈ میڈیا) : جہلم میں ایک 70 سالہ شخص محمد اسلم کو مبینہ طور پر زہریلی چیز پلا کر قتل کرنے کا دل دہلا دینے والا واقعہ پیش آیا۔ مقتول نے ملزمان محمد ارشد اور اس کی بیوی خورشید بی بی سے ادھار کی رقم واپسی کا مطالبہ کیا تھا۔ پولیس کے مطابق محمد اسلم نے ملزمان کے گھر جا کر اپنی دی گئی 3 لاکھ روپے کی رقم واپس مانگی۔ پولیس کا کہنا ہے کہ محمد اسلم نے مرنے سے قبل الزام عائد کیا کہ ملزمہ خورشید بی بی نے شربت میں زہریلی چیز ملا کر اسے پلائی اور پھر تشدد کا نشانہ بنا کر کمرے میں بند کر دیا گیا۔ ملزمان نے محمد اسلم کو مردہ سمجھ کر رات کی تاریکی میں ویرانے میں پھینک دیا، مگر ایک راہگیر نے اسے بے ہوشی کی حالت میں پا کر اسپتال منتقل کیا۔ محمد اسلم زخموں اور زہر کے اثرات کی وجہ سے جانبر نہ ہو سکا۔ پولیس نے ملزمان کو حراست میں لے کر تحقیقات شروع کر دی ہیں۔
چائنہ اردو کے بارے میں
روزنامہ چائنہ اُردو اور chinaurdu.com پاکستان کی میڈیا کی دنیا میں ابھرتے ہوئے دو قابل بھروسہ نشان ہیں۔ ہمارے اولین مقاصد میں پراپیگنڈا اور جھوٹ سے پاک معلومات اور علم کی فراہم شامل ہیں۔
ہم سے رابطہ کریں: [email protected]
چائنہ اردو کو فالو کریں
تمام جملہ حقوق بحق چائنہ اردو محفوظ ہیں۔