واشنگٹن (شِنہوا) امریکی صدر ڈونلڈ ٹرمپ نے کہا ہے کہ انہوں نے پینٹاگون کو جنوبی کوریا کے ساتھ مشترکہ فوجی مشقوں میں نمایاں کمی کرنے کی ہدایت کی ہے۔
ٹرمپ نے ٹروتھ سوشل پر ایک پوسٹ میں لکھا کہ ’’میں اس بات سے خوش نہیں ہوں کہ امریکہ نے بہت عرصہ پہلے جنوبی کوریا کے ساتھ مشترکہ فوجی مشقوں میں حصہ لینے پر رضامندی ظاہر کی تھی۔‘‘
ٹرمپ نے کہا کہ ’’یہ مشقیں نہ صرف مہنگی ہیں جن کے اخراجات کا بڑا حصہ حسب معمول امریکہ برداشت کرتا ہے بلکہ یہ ایک ایسا پیغام بھی دیتی ہیں جو مکمل طور پر نامناسب اور مخالفانہ ہے۔‘‘
ٹرمپ نے کہا کہ ’’ چونکہ اب ان مشقوں کو منسوخ کرنے میں بہت دیر ہو چکی ہے، میں نے وزیر جنگ پیٹ ہیگستھ کو مشترکہ فوجی مشقوں میں نمایاں کمی کرنے کی ہدایت کی ہے!‘‘
امریکی صدر نے سیول کی جانب سے ایران کو ’’جوہری ہتھیاروں سے پاک کرنے‘‘ کے لئے امریکی اقدامات میں شامل ہونے سے انکار کا بھی ذکر کیا۔
