ابوجا (لارڈ میڈیا): نائجیریا کے صدر بولا ٹینوبو نے کہا ہے کہ گزشتہ سال نائجیریا میں 13,000 سے زیادہ دہشت گرد مارے جا چکے ہیں۔ انہوں نے یہ دعویٰ ٹیلی ویژن تقریر کے دوران کیا۔
شمالی نائجیریا میں جہادی گروپوں اور دیگر جرائم پیشہ گروہوں کے ساتھ کشیدگی بدستور جاری ہے، جس کے نتیجے میں اغوا کی وارداتیں بھی سامنے آ رہی ہیں۔
صدر نے پچھلے سال نومبر میں اغوا اور تشدد کی لہر سے نمٹنے کے لیے قومی سلامتی کی ایمرجنسی کا اعلان کیا تھا۔
واضح رہے کہ 2009 میں شدت پسند گروپ بوکو حرام کی جانب سے شورش شروع ہونے کے بعد سے دسیوں ہزار عام شہری مارے جا چکے ہیں اور لاکھوں لوگ نقل مکانی پر مجبور ہو چکے ہیں۔
