لاہور (لارڈ میڈیا): ہم اکثر دیکھتے ہیں کہ کچھ لوگ جتنا بھی کھائیں، اسمارٹ رہتے ہیں جبکہ کچھ تھوڑا سا کھا کر موٹے ہو جاتے ہیں۔ سائنسدانوں کے مطابق اس کا تعلق کھانے سے زیادہ جسم کے اندرونی نظام سے ہوتا ہے۔ طبی ماہرین کا کہنا ہے کہ جسم کی روزمرہ کی حرکتیں، ہارمونز کا توازن اور میٹابولزم وزن پر اثر انداز ہوتے ہیں۔
ماہرین نے بتایا ہے کہ روزمرہ کی چھوٹی حرکتیں، جیسے چلنا اور بات کرنا، کچھ افراد میں اضافی کیلوریز جلاتی ہیں۔ ہارمونز دماغ کو بھوک کے سگنل دیتے ہیں اور ان کا توازن بگڑنے سے ضرورت سے زیادہ کھایا جاتا ہے۔
میٹابولزم جسم میں کھانے کو توانائی میں بدلتا ہے اور اس کی رفتار ہر شخص میں مختلف ہوتی ہے۔ خاندانی جینز بھی وزن بڑھانے میں کردار ادا کرتے ہیں۔
پیٹ کے جراثیم اور نیند کی کمی بھی وزن بڑھنے کا سبب بنتے ہیں۔ نیند کی کمی سے جسم میں تھکن رہتی ہے اور مٹھائیاں کھانے کی خواہش بڑھ جاتی ہے۔
وزن بڑھنا صرف کھانے یا ورزش سے نہیں بلکہ جسمانی نظام، جینز، نیند اور پیٹ کی صحت پر بھی منحصر ہوتا ہے۔
