ممبئی (لارڈ میڈیا): بالی ووڈ کے معروف اداکار عامر خان نے اپنی قریبی ساتھی گوری سپراٹ کے ساتھ تیسری شادی کا اعلان کر دیا ہے۔ بھارتی میڈیا کے مطابق، یہ شادی 5 جولائی کو منعقد ہوگی۔
عامر خان اور گوری سپراٹ ایک سال سے زائد عرصے سے ساتھ رہ رہے ہیں اور اب انہوں نے اپنے رشتے کو باضابطہ شکل دینے کا فیصلہ کیا ہے۔
خاندانی ذرائع کے مطابق، جوڑے نے ہمیشہ اپنی زندگی کو خوشگوار اور مستحکم انداز میں گزارا ہے اور اب وہ شادی کے بندھن میں بندھنے جا رہے ہیں۔
شادی کی تقریب عامر خان کی رہائش گاہ پر سادگی کے ساتھ منعقد ہوگی، جس میں صرف قریبی رشتہ داروں اور خاندان کے افراد کو مدعو کیا جائے گا۔
عامر خان اپنی نجی زندگی کو میڈیا کی توجہ سے دور رکھنے کو ترجیح دیتے ہیں، اسی لیے یہ تقریب محدود اور خاندانی نوعیت کی ہوگی۔
