ابوظہبی (لارڈ میڈیا) : متحدہ عرب امارات کی وزارتِ دفاع نے تصدیق کی ہے کہ براکہ نیوکلیئر پاور پلانٹ پر ہونے والے تینوں ڈرون حملے عراق سے کیے گئے تھے۔ یہ حملے 17 مئی کو ہوئے تھے۔
وزارت دفاع کے بیان کے مطابق، متحدہ عرب امارات کے فضائی نظام نے تین میں سے دو ڈرونز کو کامیابی سے مار گرایا جبکہ تیسرا ڈرون پلانٹ کے اندرونی حصار کے باہر ایک بجلی کے جنریٹر کو لگا، جس سے معمولی نقصان ہوا۔
مزید برآں، وزارت نے بتایا کہ گذشتہ 48 گھنٹوں کے دوران فضائی دفاعی نظام نے چھ مزید ڈرونز کو کامیابی سے نشانہ بنایا جو ملک کی شہری اور اہم تنصیبات کو نشانہ بنانے کی کوشش کر رہے تھے۔
