بینکاک (لارڈ میڈیا): تھائی لینڈ کے شہر پتایا میں 17 سالہ لڑکی کی لاش سوٹ کیس سے برآمد ہونے کے بعد ایک آسٹریلوی شہری کو گرفتار کر لیا گیا ہے۔ پولیس نے بتایا ہے کہ ملزم کی شناخت سائمن پیٹر کارمین کے نام سے ہوئی ہے، جسے بینکاک کے سوورن بھومی انٹرنیشنل ایئرپورٹ سے گرفتار کیا گیا جب وہ آسٹریلیا واپس جانے کی کوشش کر رہا تھا۔
پولیس کے مطابق، سی سی ٹی وی فوٹیج میں دیکھا گیا کہ ملزم مقتولہ کے ساتھ ایک کنڈومینیم میں داخل ہوا اور بعد میں اکیلا ایک بڑا سوٹ کیس لے کر باہر نکلا۔ اس نے سوٹ کیس کو ریلوے لائن کے قریب پھینک دیا، جہاں سے لڑکی کی لاش برآمد ہوئی۔
ملزم کے خلاف قتل، لاش کو چھپانے اور دیگر سنگین دفعات کے تحت مقدمہ درج کر لیا گیا ہے۔ پولیس نے بتایا ہے کہ ملزم کو آئندہ عدالتی کارروائی کے لیے پتایا کی صوبائی عدالت میں پیش کیا جائے گا۔
مقتولہ کے والد نے کہا کہ وہ اپنی بیٹی کی موت کے صدمے سے باہر نہیں آ سکے، جبکہ سوتیلی والدہ نے ملزم کو سخت سزا دینے کا مطالبہ کیا ہے تاکہ متاثرہ خاندان کو انصاف مل سکے۔
