اسلام آباد (لارڈ میڈیا): وزیر دفاع خواجہ آصف نے پی سی بی میں اصلاحات کی ضرورت پر زور دیتے ہوئے کہا ہے کہ نقوی صاحب کو چاہیے کہ پی سی بی میں انقلاب لائیں کیونکہ کرکٹ شائقین اس کی کارکردگی سے مطمئن نہیں ہیں۔ انہوں نے ایکس پر جاری بیان میں کہا کہ پی سی بی میں مکمل اختیار نقوی صاحب کے پاس ہے اور نہ کوئی وزیر اعظم اور نہ پارلیمنٹ کی رکاوٹ ہے۔
خواجہ آصف نے مزید کہا کہ نظام ہر وقت بہتری کی طرف بڑھتا رہنا چاہیے۔ انہوں نے نقوی صاحب کو یاد دلایا کہ وہ ساڑھے تین سال سے طاقتور عہدوں پر فائز ہیں اور اگر وہ چاہتے تو اس عرصے میں نظام کی تبدیلی کی بات کر سکتے تھے۔
سیالکوٹ میں الیکشن کیمپوں کے دورے کے دوران خواجہ آصف نے کہا کہ پولنگ کا عمل پرامن ہے اور ووٹرز کی بڑی تعداد پولنگ اسٹیشنوں کا رخ کر رہی ہے۔ انہوں نے کہا کہ کشمیر انتخابات کے نتائج عوامی رائے کو واضح کریں گے اور یہ آزاد کشمیر کی تاریخ میں سنگ میل ثابت ہو گا۔
خواجہ آصف نے مزید کہا کہ پاکستان خودکار طریقے سے نہیں چل سکتا اور ترقی کے لیے سب کو اپنا کردار ادا کرنا ہو گا۔
