بیجلینا، بوسنیا و ہرزیگووینا (شِنہوا) چین کی کمپنیوں کے زیر انتظام برچکو-بیجلینا موٹروے منصوبے کا سنگ بنیاد رکھنے کی تقریب بوسنیا و ہرزیگووینا کے علاقے ریپبلکا سرپسکا کے شہر بیجلینا میں منعقد ہوئی۔
ریپبلکا سرپسکا کے وزیراعظم ساوو منیچ نے تقریب میں شرکت کی۔ انہوں نے کہا کہ یہ موٹروے سربیا کے دارالحکومت بلغراد کو بانجا لوکا سے ملانے والے شاہراہوں کے نیٹ ورک کا اہم حصہ ہے اور علاقائی رابطوں اور اقتصادی ترقی کے فروغ میں بڑی اہمیت رکھتا ہے۔
بوسنیا و ہرزیگووینا میں چینی سفیر لی فان نے کہا کہ برچکو-بیجلینا موٹروے منصوبہ چین اور بوسنیا و ہرزیگووینا کے درمیان بیلٹ اینڈ روڈ تعاون کے تحت ایک اور بڑا منصوبہ ہے اور چین اور وسطی و مشرقی یورپی ممالک کے تعاون کے لائحہ عمل میں بنیادی شہری سہولت کے رابطوں کی ایک اہم کامیابی بھی ہے۔
انہوں نے کہا کہ یہ موٹروے صرف ایک نقل وحمل کا راستہ نہیں بلکہ دوستی کی ایک شاہراہ ہے جو عوامی روابط اور مشترکہ ترقی کو فروغ دے گی۔
یہ موٹروے منصوبہ چائنہ اوورسیز انجینئرنگ گروپ کمپنی لمیٹڈ اور چائنہ تئی سیجو سول انجینئرنگ گروپ کمپنی لمیٹڈ کے کنسورشیم کے ذریعے مکمل کیا جا رہا ہے۔ یہ موٹروے 17 کلومیٹر طویل ہے اور اسے تین سال کے اندر مکمل کرنے کا ہدف ہے۔
