بلغراد میں تصویری نمائش سے چین اور سربیا کی دیرپا دوستی اور تعاون اجاگر

بلغراد (شِنہوا) بلغراد میں واقع چینی ثقافتی مرکز میں منعقدہ ایک تصویری نمائش جامع اور کثیر جہتی انداز میں پیش کئے گئے مناظر کے ذریعے لوگوں کو چین اور سربیا کے درمیان مضبوط دوستی اور ثمرآور تعاون کی ایک واضح جھلک فراہم کرتی ہے۔

"چین-سربیا تعاون کی راہ کو آہنی دوستی کی روشنی سے منور ہونے دیں: چینی اور سربی عوام کی دوستی کی تصویری نمائش” کے عنوان سے منعقدہ اس نمائش میں تقریباً 70 تصاویر رکھی گئی ہیں، جو دونوں ممالک کے درمیان دوستانہ تبادلوں کے یادگار لمحات اور دوطرفہ تعاون کی اہم کامیابیوں کو اجاگر کرتی ہیں۔

یہ تصاویر مجموعی طور پر اس بات کی عکاسی کرتی ہیں کہ گزشتہ 7 دہائیوں سے زائد عرصے کے دوران دونوں ممالک کے درمیان دوستی کس طرح مضبوط ہوئی اور نئے دور میں نئی توانائی اور جوش کے ساتھ مزید فروغ پا رہی ہے۔

سربیا کے صدر الیگزینڈر ووچچ نے نمائش کی افتتاحی تقریب میں شرکت کی اور نمائش کا دورہ کیا۔ اس دوران وہ بار بار مختلف تصاویر کے سامنے رک کر انہیں غور سے دیکھتے رہے۔

دورے کے موقع پر انہوں نے ایک سے زیادہ مرتبہ کہا”بہترین تصاویر!”

چین اور سربیا کے تعلقات کی تاریخ کے اہم سنگ میلوں پر مبنی حصے میں صدر ووچچ نے کئی ایسے اہم مواقع کو یاد کیا جن میں وہ خود شریک رہے تھے یا جن کے عینی شاہد تھے۔

انہوں نے کہا کہ "یہ تصاویر قیمتی تاریخی یادوں کو محفوظ رکھتی ہیں۔”