بیجنگ (شِنہوا) مئی میں چین کے کورئیر کے شعبے میں مستقل ترقی دیکھی گئی۔
اسٹیٹ پوسٹ بیورو کی جانب سے پیر کو جاری کردہ انڈسٹری انڈیکس کے مطابق مئی میں ایکسپریس ڈیلیوری ڈیویلپمنٹ انڈیکس 472.9 رہا، جو پچھلے سال کی اسی مدت کے مقابلے میں 3.1 فیصد زیادہ ہے۔
ان اعداد و شمار کے مطابق ترقی کے پیمانے کا ذیلی انڈیکس گزشتہ سال کے مقابلے میں 7 فیصد بڑھا، جبکہ سروس کے معیار کے اعداد و شمار گزشتہ سال کی نسبت برقرار رہے۔ دوسری طرف ترقی کی صلاحیت کے ذیلی انڈیکس میں 3.3 فیصد کا اضافہ ریکارڈ کیا گیا۔
بیورو کے مطابق مئی میں ملک کے کورئیر شعبےکے دائرہ کار میں مسلسل توسیع دیکھی گئی، جہاں اس کے بڑھتے ہوئے متنوع سروس سسٹم اور اپ گریڈ شدہ نیٹ ورک کی سہولیات نے حقیقی معیشت کو سہارا دینے میں مزید نمایاں کردار ادا کیا۔
یہ انڈیکس ترسیل کی خدمات فراہم کرنے والی بڑی لاجسٹکس کمپنیوں کے ڈیٹا کی بنیاد پر تیار کیا گیا ہے۔ یہ ملک کے کورئیر شعبے میں مجموعی کاروباری سرگرمیوں اور رجحانات کی عکاسی کرتا ہے۔
