اسلام آباد (لارڈ میڈیا): آئندہ مالی سال 2026-27 کے بجٹ میں تعلیمی شعبے کے لئے اہم اہداف مقرر کیے گئے ہیں جن کا مقصد ملک میں شرح خواندگی اور تعلیمی معیار کو بہتر بنانا ہے۔ دستاویز کے مطابق، پرائمری سطح پر 77 فیصد بچوں کو اسکولوں میں داخل کرنے کا ہدف مقرر کیا گیا ہے، جبکہ مڈل سطح پر 69 فیصد اور سیکنڈری سطح پر 58.8 فیصد انرولمنٹ کا ہدف رکھا گیا ہے۔
اسی طرح، اسکولوں سے باہر بچوں کی شرح کو کم کر کے 30.6 فیصد تک لانے کا ہدف بھی طے کیا گیا ہے جبکہ بالغ افراد میں شرح خواندگی کو بڑھا کر 59.8 فیصد تک لے جانے کا منصوبہ بنایا گیا ہے۔ نئے بجٹ میں اساتذہ کو تربیت دینے کے کئی اہداف بھی مقرر کیے گئے ہیں۔
