البانیا میں بھی کرپشن کے الزامات پر عوام حکومت کیخلاف سڑکوں پر آگئے اور متعدد مقامات پر مظاہرے پھوٹ پڑے، مظاہرین نے وزیراعظم ایڈی راما کے دفتر پر پیٹرول بم پھینکے اور حکومت سے استعفے کا مطالبہ کیا۔
غیر ملکی میڈیا کے مطابق احتجاج کا آغاز نائب وزیراعظم بیلندا بلوکو کیخلاف مبینہ بدعنوانی کے الزامات پر فرد جرم عائد کرنے پر ہوا، نائب وزیراعظم سمیت کئی حکومتی اہلکاروں اور نجی کمپنیوں پر الزام ہے کہ انہوں نے بڑے انفرا اسٹرکچر منصوبوں میں ریاستی فنڈز کا استعمال کچھ مخصوص کمپنیوں کو فائدہ پہنچانے کیلئے کیا۔
دوسری جانب نائب وزیراعظم نے کہا ہے کہ وہ عدلیہ کیساتھ مکمل تعاون کرنے کیلئے تیار ہیں۔
