بیجنگ (شِنہوا) چین بھر کے کنڈرگارٹنز میں زیر تعلیم تقریباً 2 کروڑ 40 لاکھ بچوں نے پری سکول کی آخری جماعت کے لئے نگہداشت اور تعلیمی فیس معاف کرنے کی پالیسی سے فائدہ اٹھایا ہے۔
وزارت خزانہ کے محکمہ بجٹ کے ڈائریکٹر وانگ شن شیانگ نے کہا کہ 2026 میں 2 کروڑ 50 لاکھ سے زائد شیر خوار اور کم عمر بچوں کو چائلڈ کیئر سبسڈی بھی فراہم کی گئی ہے۔
چین نے 2025 میں ملک گیر چائلڈ کیئر سبسڈی پروگرام متعارف کرایا تھا جس کے تحت 3 سال سے کم عمر ہر بچے کے لئے سالانہ 3 ہزار 600 یوآن (تقریباً 530 امریکی ڈالر) کی ٹیکس سے مستثنیٰ مالی امداد فراہم کی جاتی ہے۔
ملک نے 2025 کے خزاں سمسٹر سے کنڈرگارٹن کے آخری سال کی نگہداشت اور تعلیمی فیس بھی معاف کرنا شروع کر دی تھی جو کم عمر بچوں والے خاندانوں پر مالی بوجھ کم کرنے کی جانب ایک اور اہم قدم ہے۔
یہ پالیسیاں چین کی ان وسیع تر کوششوں کا حصہ ہیں جن کا مقصد شرح پیدائش میں کمی اور بڑھتی ہوئی عمر کی آبادی کے درمیان بچوں کی پیدائش اور پرورش کے لئے سازگار معاشرہ تشکیل دینا ہے۔
