بیجنگ (شِنہوا) چین کے ایک ترجمان نے جمعہ کو بتایا ہے کہ چینی قانون ساز غیر ملکی امور سے متعلق قانونی خدمات کو مضبوط بنانے کے لئے وکلاء کے قانون میں ترمیم کے مسودے کا جائزہ لے رہے ہیں۔
قومی عوامی کانگریس (این پی سی) کی قائمہ کمیٹی کے قانون سازی امور کمیشن کے ترجمان ہوانگ ہائی ہوا نے ایک پریس کانفرنس میں بتایا کہ ترمیمی مسودے کا مقصد بین الاقوامی قانونی امور میں مہارت رکھنے والے وکلاء کی تربیت کو بہتر بنانا ہے۔
ہوانگ نے کہا کہ مسودہ قانونی فرموں کو غیر ملکی امور سے متعلق قانونی خدمات بہتر بنانے میں معاونت فراہم کرنے کے ساتھ ساتھ بین الاقوامی تبادلوں اور تعاون کو مزید فروغ دینے کی حوصلہ افزائی کرتا ہے۔
ترمیمی مسودہ این پی سی کی قائمہ کمیٹی کے 25 سے 28 اگست تک ہونے والے اجلاس میں دوسری بار غور کے لئے پیش کیا جائے گا۔
