کیلیفورنیا (لارڈ میڈیا): کیلیفورنیا کے ساحل پر چینل آئی لینڈز میں قدیم انسانی باقیات کی دریافت نے براعظم امریکا میں ابتدائی انسانی آبادکاری کے روایتی نظریات پر سوالات اٹھا دیے ہیں۔ تقریباً 13 ہزار سال پرانی ان باقیات اور آثار سے یہ امکان ظاہر کیا جا رہا ہے کہ اولین امریکی باشندے خشکی کے بجائے کشتیوں کے ذریعے یہاں پہنچے ہوں گے۔
ماہرین کا کہنا ہے کہ اگر یہ نظریہ درست ثابت ہوا تو اس سے یہ تصور چیلنج ہو گا کہ امریکا کے پہلے باشندے سائبیریا سے زمینی پل عبور کرکے آئے تھے۔
تحقیقی ماہرین کے مطابق چینل آئی لینڈز سے ملنے والے شواہد ابتدائی انسانوں کے ساحلی راستوں سے سمندری سفر کے امکان کو تقویت دیتے ہیں۔ تاہم، حتمی تصدیق کے لیے مزید تحقیق اور آثارِ قدیمہ کے شواہد درکار ہیں۔
