برازیلیا (لارڈ میڈیا): برازیل کے ایک جوڑے نے 30 سیکنڈ میں 195 بوسے دے کر گنیز ورلڈ ریکارڈ میں اپنا نام درج کروا لیا ہے۔ 32 سالہ ریناٹو اور 33 سالہ نائرا نے انٹرنیشنل کسنگ ڈے کے موقع پر یہ کارنامہ انجام دیا۔
یہ جوڑا پیشے کے لحاظ سے ڈاکٹر ہے اور کورونا وائرس کی وبا کے دوران ہسپتالوں میں کام کرچکا ہے۔ انہوں نے کہا کہ وہ دنیا کے بہترین جوڑے ہیں، اسی لیے انہوں نے یہ چیلنج قبول کیا۔
گنیز ورلڈ ریکارڈ کی ویڈیو میں دکھایا گیا کہ ریناٹو نے اپنی پسندیدہ فٹ بال ٹیم کی جرسی پہن کر نائرا کے گال پر تیزی سے بوسے دیے، جبکہ نائرا مسکراتی رہیں۔
ریناٹو کے مطابق، یہ ان کے عالمی ریکارڈز میں سے نیا اضافہ ہے۔ وہ پہلے بھی مختلف ریکارڈز بنا چکے ہیں جیسے کہ تیز ترین کتابیں گرانا۔
ریناٹو نے کہا کہ وہ بون میرو ڈونر ہیں اور انہیں اے ڈی ایچ ڈی ہے، مگر وہ چاہتے ہیں کہ لوگ ان کی کامیابی سے تحریک حاصل کریں۔
یہ جوڑا مزید عالمی ریکارڈز بنانے کی منصوبہ بندی کر رہا ہے، ان کی نظر اب جاپان کے جوڑے کے ریکارڈ پر ہے جنہوں نے ایک منٹ میں 277 بوسے دیے تھے۔
