اسلام آباد (لارڈ میڈیا): فیس بک نے اپنی مونیٹائزیشن پالیسی میں تاریخی تبدیلیاں کرتے ہوئے قوانین میں بڑی نرمی کر دی ہے۔ اس اقدام سے پاکستان میں فیس بک کانٹینٹ کریئیٹرز اور ڈیجیٹل مارکیٹرز کو بڑی آسانی حاصل ہوگی۔ اب کم فالوورز رکھنے والے صارفین بھی فیس بک سے ڈالرز میں آمدن حاصل کر سکیں گے۔
نئے مونیٹائزیشن نظام کے تحت صارفین کو 28 دنوں کے اندر 3 لاکھ ویوز حاصل کرنے پر ‘کانٹینٹ مونیٹائزیشن ٹول’ تک رسائی دی جائے گی۔ اس تبدیلی کے بعد کریئیٹرز اپنی ویڈیوز اور مختصر ریلز کے ذریعے براہ راست ڈالرز کما سکتے ہیں۔
اس سے قبل فیس بک پر کمائی کے لیے سخت شرائط تھیں، جن میں 10 ہزار فالوورز، 6 لاکھ منٹ واچ ٹائم اور مخصوص تعداد میں ویڈیوز اپلوڈ کرنا لازمی تھا۔
ڈیجیٹل میڈیا ماہرین کا کہنا ہے کہ اس نئی سہولت سے پاکستان کے ابھرتے ہوئے ٹیلنٹ کے لیے روزگار کے شاندار مواقع پیدا ہوں گے۔ تاہم بنیادی قواعد و ضوابط اور کاپی رائٹ کی شرائط پر عمل کرنا ضروری رہے گا۔
فیس بک کی آفیشل رپورٹ کے مطابق یہ انقلابی تبدیلی فی الحال تجرباتی بنیادوں پر کچھ مخصوص صارفین کے لیے دستیاب ہے، جسے جلد ہی عام کیا جائے گا۔
