واشنگٹن (لارڈ میڈیا): امریکا اور ایران کے درمیان مجوزہ معاہدے کی تفصیلات سامنے آئی ہیں جن میں ایران پر عائد اقتصادی پابندیوں میں نرمی، آبنائے ہرمز کا کھلنا اور منجمد اثاثوں کی واپسی شامل ہیں۔ ایرانی عہدیدار نے بتایا ہے کہ ایران جوہری ہتھیار نہ بنانے پر متفق ہوا ہے۔
ایران اپنے افزودہ یورینیم کے ذخائر کو کم درجے پر لانے پر متفق ہوا ہے جبکہ امریکا ایرانی تیل پر عائد پابندیوں کو نرم کرے گا۔ یہ معاہدہ ایران کو تیل کی فروخت اور آمدنی کی اجازت دے گا۔
رپورٹ کے مطابق ایران فوری طور پر آبنائے ہرمز کو کھول دے گا جبکہ امریکا اپنی بحری ناکہ بندی ختم کرے گا۔
ایران کے 25 ارب ڈالر کے منجمد اثاثے بھی جاری کیے جائیں گے، جس میں نقد ادائیگیاں اور مالیاتی کریڈٹ لائنز شامل ہوں گی۔
تاہم، معاہدے پر دستخط کی تاریخ پر اختلافات سامنے آئے ہیں، امریکی صدر ٹرمپ کا کہنا ہے کہ دستخط آج ہوں گے جبکہ ایرانی حکام نے اس دعوے کو مسترد کر دیا ہے۔
