اسلام آباد (لارڈ میڈیا) : ٹک ٹاکر ثنا یوسف کے قتل کیس میں عدالت نے مجرم عمر حیات کو سزائے موت سنائی ہے۔ ایڈیشنل ڈسٹرکٹ اینڈ سیشن جج افضل مجوکا نے کیس کا محفوظ فیصلہ سناتے ہوئے قتل کے جرم میں عمر حیات کو سزائے موت، 10 سال قید اور 2 لاکھ روپے جرمانہ بھی عائد کیا۔ عدالت نے ڈکیتی اور گھر میں گھسنے کی دفعات کے تحت عمر حیات کو 10 سال قید کی سزا سنائی۔ ثنا یوسف کے والدین، پراسیکیوٹر راجا نوید حسین اور وکیل سردار قدیر عدالت میں موجود تھے۔ ثنا یوسف کے وکیل نے میڈیا سے گفتگو کرتے ہوئے کہا کہ آٹھ ماہ سے زائد عرصہ چلا کیس آخرکار انصاف پر منتج ہوا۔ ڈپٹی پراسیکیوٹر نے کہا کہ قانونی تقاضے پورے کر کے ٹرائل چلایا گیا، چشم دید گواہان نے ملزم کو شناخت کیا اور ملزم کے اقبالی بیان نے بھی مؤقف کو درست ثابت کیا۔ ثنا یوسف کو 2 جون 2025 کو قتل کیا گیا تھا جبکہ 3 جون کو پولیس نے ملزم کو گرفتار کیا تھا۔
چائنہ اردو کے بارے میں
روزنامہ چائنہ اُردو اور chinaurdu.com پاکستان کی میڈیا کی دنیا میں ابھرتے ہوئے دو قابل بھروسہ نشان ہیں۔ ہمارے اولین مقاصد میں پراپیگنڈا اور جھوٹ سے پاک معلومات اور علم کی فراہم شامل ہیں۔
ہم سے رابطہ کریں: [email protected]
چائنہ اردو کو فالو کریں
تمام جملہ حقوق بحق چائنہ اردو محفوظ ہیں۔