کراچی (لارڈ میڈیا): ماہرین صحت نے خبردار کیا ہے کہ بلڈ پریشر کی دوا خود سے بند کرنا خطرناک ہو سکتا ہے۔ ہائی بلڈ پریشر یا ہائپر ٹینشن ایک طویل مدتی مسئلہ ہے جو دل کے دورے اور دیگر بیماریوں کا سبب بن سکتا ہے۔
ماہرین کا کہنا ہے کہ اگرچہ بلڈ پریشر کی دوائیں خون کے دباؤ کو قابو میں رکھنے کے لئے ضروری ہیں، لیکن اگر مریض اپنی زندگی میں مثبت تبدیلیاں لائے تو دوا کی ضرورت کم ہو سکتی ہے۔ ان تبدیلیوں میں وزن کم کرنا، نمک کی مقدار کو کم کرنا اور ورزش شامل ہیں۔
ڈاکٹرز کا کہنا ہے کہ بلڈ پریشر کی دوا اچانک چھوڑنے سے ری باؤنڈ ہائپر ٹینشن کا خطرہ ہوتا ہے جس سے دماغ کی شریان پھٹنے یا دل کا دورہ پڑ سکتا ہے۔
ماہرین نے مریضوں کو مشورہ دیا ہے کہ بلڈ پریشر کی ریڈنگ نارمل ہونے پر بھی دوا چھوڑنے کا فیصلہ صرف ڈاکٹر کی مشاورت سے ہی کریں۔
