شہر (لارڈ میڈیا): عمر کے ساتھ دانتوں کی رنگت میں زردی نمایاں ہو جاتی ہے، جو اکثر افراد کے لیے ناپسندیدہ ہوتی ہے۔ تاہم، گھر میں موجود چند آسان ٹپس سے دانتوں کی سفیدی بحال کی جا سکتی ہے۔
بیکنگ سوڈا دانتوں کی سفیدی کے لیے مفید سمجھا جاتا ہے۔ ایک کوارٹر چائے کا چمچ بیکنگ سوڈا پانی میں ملا کر دانتوں پر لگایا جائے تو زردی دور ہو سکتی ہے۔
دانتوں کی صفائی میں پھلوں کا بھی کردار ہوتا ہے۔ سیب اور آم جیسے پھل دانتوں کی گندگی کو ہٹانے میں مدد دیتے ہیں۔ ان پھلوں میں موجود تیزابیت دانتوں کی پیلاہٹ کو کم کرتی ہے۔
کوئلہ بھی دانتوں کی سفیدی میں مددگار ثابت ہو سکتا ہے۔ کوئلے پر مبنی ٹوتھ پیسٹ سے دانتوں کے داغ ہٹائے جا سکتے ہیں جبکہ بیکٹریا کا خاتمہ بھی ممکن ہوتا ہے۔
دانتوں کو زرد ہونے سے بچانے کا بہترین طریقہ یہ ہے کہ انہیں دن میں کم از کم دو بار دو منٹ تک برش کیا جائے۔ تیزابیت والی غذاؤں کے بعد فوری برش کرنے سے گریز کرنا چاہیے۔
