کوسٹا ریکا (لارڈ میڈیا): کوسٹا ریکا کے لاس سانتوس خطے میں سائنس دانوں نے مینڈک کی ایک نئی نسل دریافت کی ہے، جسے سائنسی نام Isthmohyla nacientes دیا گیا ہے اور عام طور پر اسے ‘کافی فراگ’ کہا جا رہا ہے۔ یہ چھوٹا سبز رنگ کا درختی مینڈک زیادہ تر رات کے وقت سرگرم ہوتا ہے۔
یہ مینڈک کوسٹا ریکا کے وسطی بحرالکاہل کے علاقے خصوصاً تارازو، ڈوتا اور لیون کورٹس کے پہاڑی علاقوں میں پایا گیا ہے۔ یہ کافی کے باغات اور ان سے ملحقہ چشموں کے ماحول میں رہتا ہے۔
نر مینڈک رات کے وقت مادہ کو متوجہ کرنے کے لیے آواز نکالتے ہیں، جس دوران ان کا شفاف حلق نمایاں طور پر پھول جاتا ہے۔ ماہرین کے مطابق کافی کی کاشت میں استعمال ہونے والی کیڑے مار ادویات اور زرعی کیمیکلز ان مینڈکوں کے لیے خطرہ بن سکتے ہیں۔
