اسلام آباد (لارڈ میڈیا) پاکستان کی مجموعی قومی پیداوار (جی ڈی پی) کی شرح نمو مالی سال26 -2025 یں 3.3 فیصد رہی، جو پاکستان بیورو آف شماریات کے 3.7 فیصد کے تخمینے سے کم ہے۔ یہ فرق شعبہ وار شرح نمو میں اختلافات کی وجہ سے پیدا ہوا ہے۔
زرعی شعبے میں بڑی فصلوں کی شرح نمو 3 فیصد رہی جبکہ لائیو اسٹاک کا اضافہ 2 فیصد رہا۔ صنعتی شعبے میں بڑے پیمانے کی مینوفیکچرنگ کی شرح نمو 6.1 فیصد رہی، تاہم چینی، آٹوموبائل اور پیٹرولیم مصنوعات کی بلند شرح نمو پر سوالات اٹھے ہیں۔
خدمات کے شعبے میں تھوک و پرچون تجارت میں 3.7 فیصد اضافہ ہوا جبکہ نقل و حمل کی شرح نمو 4.3 فیصد رہی۔ سرکاری انتظامیہ کی شرح نمو 8.5 فیصد تھی، جو قابلِ یقین معلوم نہیں ہوتی۔
مجموعی طور پر جی ڈی پی کی شرح نمو 3.3 فیصد رہی، جو سالانہ منصوبے کے 3.2 فیصد اور بیورو کے 3.7 فیصد کے درمیان ہے۔ آئندہ مالی سال میں 4.0 فیصد شرح نمو کا ہدف مقرر کیا گیا ہے۔
