لندن (لارڈ میڈیا): انگلینڈ کے کپتان بین اسٹوکس کو نائٹ کلب میں ڈسپلن کی خلاف ورزی کے معاملے پر ٹیم سے ڈراپ کیے جانے پر سابق کپتان ناصر حسین نے کہا ہے کہ یہ ایسا جرم نہیں کہ انہیں فارغ کر دیا جائے۔ انہوں نے کہا کہ اسٹوکس نے ٹیم کے لیے بہت کچھ کیا ہے اور ان کے لیے یہ ایک مشکل وقت ہے۔
ناصر حسین نے کہا کہ بین اسٹوکس انگلینڈ کے بہترین لمحات کا حصہ رہے ہیں اور ون ڈے ورلڈ کپ اور ٹی ٹوئنٹی ورلڈ کپ کی فتوحات میں اہم کردار ادا کیا ہے۔ ان کا ماننا ہے کہ اس وقت اسٹوکس کو جذباتی فیصلے سے بچنا چاہیے۔
مائیکل ایتھرٹن نے بھی اسی معاملے پر کہا کہ یہ واقعہ ایشیز کے بعد انگلینڈ ٹیم کے بیانیے کے تحت اسٹوری بن گیا ہے۔ ان کا کہنا ہے کہ فتح کے بعد دیر تک باہر رہنا ایسا جرم نہیں جس پر کپتانی سے ہٹایا جائے۔
انگلینڈ کرکٹ بورڈ نے کھلاڑیوں کے نائٹ کلب جانے کے معاملے کی تحقیقات کا اعلان کیا ہے۔ واضح رہے کہ بین اسٹوکس اور گس اٹکنسن کو نیوزی لینڈ کے خلاف دوسرے ٹیسٹ سے ڈراپ کیا گیا ہے۔
