لندن (لارڈ میڈیا): انگلینڈ کرکٹ ٹیم کے کپتان بین اسٹوکس کی کپتانی خطرے میں ہے کیونکہ نائٹ کلب میں جھگڑے کے واقعے کے بعد انگلینڈ کرکٹ بورڈ (ای سی بی) نے کھلاڑیوں کے خلاف تحقیقات شروع کر دی ہیں۔ میڈیا رپورٹ کے مطابق، بین اسٹوکس اور فاسٹ بولر گس ایٹکنسن نے ای سی بی کے نئے پروٹوکولز کی خلاف ورزی کی ہے، جس کے نتیجے میں بین اسٹوکس کو کپتانی سے ہٹائے جانے کا امکان ہے۔
ذرائع نے بتایا ہے کہ ہیری بروک کو نیوزی لینڈ کے خلاف دوسرے ٹیسٹ میں کپتانی سونپی جا سکتی ہے۔ نائٹ کلب میں مبینہ طور پر کرکٹرز کا رگبی کے کھلاڑی کے ساتھ جھگڑا ہوا، جس کے دوران رگبی کھلاڑی نے فاسٹ بولر کو مکا مارا اور ای سی بی کا ایک سکیورٹی گارڈ بھی زخمی ہوا۔
ای سی بی کا کہنا ہے کہ کرکٹرز نے کسی جارحانہ عمل کا مظاہرہ نہیں کیا اور پولیس بھی اس واقعے میں شامل نہیں ہوئی ہے۔ تاہم، پروٹوکولز کی خلاف ورزی پر بین اسٹوکس کے خلاف سخت تادیبی کارروائی متوقع ہے۔
