لیڈز (لارڈ میڈیا): انگلینڈ کے کپتان جو روٹ نے بھارت کے لیجنڈری کرکٹر سچن ٹنڈولکر کا ٹیسٹ کرکٹ میں سب سے زیادہ نصف سنچریوں کا ریکارڈ برابر کر دیا ہے۔ روٹ نے یہ اہم کارنامہ پاکستان کے خلاف جاری ٹیسٹ میچ کی پہلی اننگز میں 66 رنز کی اننگز کھیل کر سرانجام دیا۔ یہ ان کی 68ویں ٹیسٹ نصف سنچری تھی۔
سچن ٹنڈولکر نے اپنے کیریئر میں 200 ٹیسٹ میچز میں 68 نصف سنچریوں اور 51 سنچریوں کے ساتھ 15,921 رنز بنائے ہیں۔ وہ ٹیسٹ کرکٹ میں سب سے زیادہ رنز بنانے والے بلے باز ہیں۔
جو روٹ اس وقت ٹیسٹ کرکٹ میں سب سے زیادہ رنز بنانے والے کھلاڑیوں کی فہرست میں دوسرے نمبر پر ہیں اور وہ 14 ہزار سے زائد رنز بنا چکے ہیں۔
انگلینڈ نے لیڈز ٹیسٹ کی پہلی اننگز میں 8 وکٹوں پر 366 رنز بناکر پاکستان کے خلاف 195 رنز کی برتری حاصل کر لی ہے۔ پاکستان کی ٹیم پہلی اننگز میں 171 رنز پر آؤٹ ہو گئی تھی۔
