ٹورنٹو (لارڈ میڈیا): پرتگالی اسٹار کرسٹیانو رونالڈو کی بہن کاتیا اویرو نے انکشاف کیا ہے کہ فیفا ورلڈ کپ 2026 ان کے بھائی کے لئے ممکنہ طور پر آخری عالمی ٹورنامنٹ ہو سکتا ہے۔ ٹورنٹو میں پرتگال اور کروشیا کے راؤنڈ آف 32 میچ سے قبل انہوں نے کہا کہ یہ رونالڈو کے لئے قومی ٹیم کے ساتھ ‘لاسٹ ڈانس’ ثابت ہو سکتا ہے۔ کاتیا اویرو نے مزید بتایا کہ رونالڈو جلد ہی بین الاقوامی فٹبال کو الوداع کہہ سکتے ہیں، تاہم یہ فیصلہ ٹورنامنٹ کے بعد سامنے آ سکتا ہے۔
کاتیا اویرو کا کہنا تھا کہ یہ ان کا آخری ورلڈ کپ ہو سکتا ہے، اس لمحے سے لطف اٹھائیں کیونکہ ایسے کھلاڑی دوبارہ نہیں ملتے۔ انہوں نے مزید کہا کہ کروشیا کے کپتان لوکا موڈرچ کے لئے بھی یہ آخری عالمی ٹورنامنٹ ثابت ہو سکتا ہے۔
رونالڈو کو حالیہ تنقید کا سامنا ہے، لیکن ان کی بہن نے ان کا دفاع کرتے ہوئے کہا کہ جو لوگ انہیں نہیں سمجھتے وہ فٹبال کی سمجھ نہیں رکھتے۔ انہوں نے کہا کہ خاندان کو ان کی کامیابیوں پر فخر ہے۔ رونالڈو اپنے چھٹے ورلڈ کپ میں کھیل رہے ہیں اور وہ چھ مختلف ورلڈ کپ ایڈیشنز میں گول کرنے والے دنیا کے واحد کھلاڑی ہیں۔
