چین-ایتھوپیا فوڈ فیسٹیول کے ذریعے ثقافتی اور عوامی روابط کا فروغ

ادیس ابابا (شِنہوا) چین اور ایتھوپیا کے درمیان ثقافتی اور عوامی روابط کو فروغ دینے کے لئے ایتھوپیا کے دارالحکومت ادیس ابابا میں چین-ایتھوپیا فوڈ فیسٹیول کا انعقاد کیا گیا جس میں دونوں ممالک کے منفرد اور متنوع کھانوں کی نمائش کی گئی۔

چین کی تعمیراتی کمپنی چائنہ اسٹیٹ کنسٹرکشن انجینئرنگ کارپوریشن (سی ایس سی ای سی) کے زیر اہتمام منعقدہ اس فیسٹیول میں سینکڑوں چینی اور ایتھوپیائی شہریوں نے شرکت کی۔ یہ تقریب ادیس ابابا میں زیر تعمیر ارومیا میڈیا کمپلیکس منصوبے کے مقام پر منعقد کی گئی۔

ایتھوپیا کے دارالحکومت ادیس ابابا میں مہمان چین-ایتھوپیا فوڈ فیسٹیول کے موقع پر جشن منا رہے ہیں-(شِنہوا)

یہ تقریب اس سال جمعہ کو آنے والے روایتی چینی تہوار ڈریگن بوٹ فیسٹیول کے ساتھ منعقد کی گئی۔ اس موقع پر چینی اور ایتھوپیائی کھانوں کی ایک وسیع رینج پیش کی گئی، جن میں زونگزی بھی شامل تھا جو بانس یا سرکنڈے کے پتوں میں لپٹے ہوئے چپچپے چاولوں کا ایک پکوان ہے۔ یہ ایک روایتی لذیذ کھانا ہے جو چینی لوگ ڈریگن بوٹ فیسٹیول کے دن کھاتے ہیں۔

سی ایس سی ای سی ایتھوپیا میں ارومیا میڈیا کمپلیکس کے پروجیکٹ منیجر فینگ ژین لی نے کہا کہ یہ فوڈ فیسٹیول دونوں ممالک کے عوام کے درمیان تعلقات کو مضبوط بنانے کا ایک موقع فراہم کرتا ہے، خاص طور پر اس منصوبے کے عملے کے لئے کیونکہ یہ اہم تعمیراتی منصوبہ تکمیل کے قریب پہنچ رہا ہے۔

ایتھوپیا کے دارالحکومت ادیس ابابا میں منعقدہ چین-ایتھوپیا فوڈ فیسٹیول میں چائنہ اسٹیٹ کنسٹرکشن انجینئرنگ کارپوریشن (سی ایس سی ای سی) کے ایتھوپیا میں ارومیا میڈیا کمپلیکس کے پروجیکٹ منیجر فینگ ژین لی خطاب کر رہے ہیں۔(شِنہوا)

فینگ ژین لی نے فیسٹیول میں کہا کہ ہر پکوان چین اور ایتھوپیا کی دوستی کی نمائندگی کرتا ہے۔ ہر مشترکہ کوشش نے ہمارے تعاون کی ایک مضبوط بنیاد رکھی ہے۔

منتظمین کے مطابق چونکہ 2026 کو چین-افریقہ عوامی تبادلوں کا سال قرار دیا گیا ہے، اس لئے اس تقریب کا مقصد چین اور ایتھوپیا سمیت چین اور افریقہ کے درمیان ثقافتی اور عوامی روابط کو مزید مضبوط بنانا بھی تھا تاکہ باہمی افہام و تفہیم کو فروغ دیا جا سکے۔

ایتھوپیا کے دارالحکومت ادیس ابابا میں منعقدہ چین-ایتھوپیا فوڈ فیسٹیول میں ارومیا اربن ڈیویلپمنٹ اینڈ ہاؤسنگ بیورو کے نائب سربراہ حسین اوشو خطاب کر رہے ہیں۔(شِنہوا)

ارومیا اربن ڈیویلپمنٹ اینڈ ہاؤسنگ بیورو کے نائب سربراہ حسین اوشو نے کہا کہ چین-ایتھوپیا فوڈ فیسٹیول ایک اہم اور پرجوش موقع ہے جو دونوں ممالک کے کھانوں اور ثقافتی ورثے کے تبادلے کو فروغ دیتا ہے۔

انہوں نے اس بات پر زور دیا کہ مستقبل میں تعمیر ہونے والا ارومیا میڈیا کمپلیکس ایک ایسے پل کے طور پر کام کرے گا جو ایتھوپیا اور وسیع افریقی خطے کو دنیا کے دیگر حصوں سے جوڑے گا۔ انہوں نے کہا یہ "بلندعزم” اس فیسٹیول کے ذریعے ثقافتی اور عوامی روابط کے فروغ کی صورت میں عملی طور پر ظاہر ہو رہا ہے۔