سڈنی (شِنہوا) آسٹریلوی کمپنی ای زیڈ زیڈ لائف سائنس ہولڈنگز لمیٹڈ کے چیف سٹریٹیجی آفیسر گلن کراس نے کہا ہے کہ چین کا جدید ڈیجیٹل ایکو سسٹم اور وسیع صارف مارکیٹ آسٹریلوی کمپنیوں کے لئے نئے مواقع پیدا کر رہے ہیں۔
گلن کراس نے خدمات کی تجارت کے بین الاقوامی چینی میلے (سی آئی ایف ٹی آئی ایس) 2026 کے موقع پر شِنہوا کو انٹرویو دیا۔ یہ میلہ 9 سے 13 ستمبر تک بیجنگ میں منعقد ہو رہا ہے جس کا موضوع’’عالمی خدمات، مشترکہ خوشحالی‘‘ہے۔
کراس نے کہا کہ ’’چین نے خاص طور پر ای کامرس، ڈیجیٹل طریقوں سے صارفین سے رابطے اور صحت و تندرستی کی مصنوعات تلاش کرنے اور خریدنے کے حوالے سے بہت تیزی سے ترقی کی ہے۔‘‘
کراس نے کہا کہ ’’ای زیڈ زیڈ کے لئے اس تبدیلی نے صارفین تک زیادہ براہ راست رسائی، بدلتی ہوئی ترجیحات پر زیادہ تیزی سے ردعمل دینے اور مختلف ڈیجیٹل ذرائع کے ذریعے کاروبار کو متنوع بنانے کے مواقع پیدا کئے ہیں۔‘‘
کراس نے چین کے جے ڈی ہیلتھ کے ساتھ ای زیڈ زیڈ کے تزویراتی تعاون کی مثال دیتے ہوئے کہا کہ اس شراکت داری سے کمپنی کو چین کے صحت کے بڑے ڈیجیٹل ایکو سسٹم میں سے ایک تک رسائی حاصل ہوتی ہے جبکہ مصنوعات کی تقسیم، ڈیجیٹل مارکیٹنگ اور صارفین کے ساتھ روابط مضبوط کرنے کے مواقع بھی پیدا ہوتے ہیں۔
چین کے دارالحکومت بیجنگ میں خدمات کی تجارت کے بین الاقوامی چینی میلے (سی آئی ایف ٹی آئی ایس) 2026کے نمائشی ہال میں سائی ٹیک کمپی کے بوتھ کا منظر دیکھا جا سکتا ہے۔(شِنہوا)
کراس نے کہا کہ چین کی ڈیجیٹل صلاحیتیں محض مصنوعات فروخت کرنے سے کہیں آگے کے مواقع فراہم کرتی
ہیں۔
کراس نے کہا کہ ’’آسٹریلوی کمپنیاں تحقیق، مصنوعات کی تیاری اور اعلیٰ معیارات کے شعبوں میں اپنی مضبوط صلاحیتیں پیش کر سکتی ہیں جبکہ چینی پلیٹ فارمز اور شراکت دار وسیع پیمانے، ڈیجیٹل صلاحیتوں اور صارفین کی ضروریات کی گہری آگاہی فراہم کرتے ہیں۔‘‘
سی آئی ایف ٹی آئی ایس کو’’کمپنیوں کو باہم جوڑنے، خیالات کے تبادلے اور عملی تعاون کے مواقع تلاش کرنے کے لئے ایک اہم پلیٹ فارم‘‘ قرار دیتے ہوئے کراس نے کہا کہ یہ میلہ ای زیڈ زیڈ کو ابھرتے ہوئے رجحانات کو بہتر طور پر سمجھنے، ممکنہ شراکت داروں سے ملاقات کرنے اور آسٹریلیا کی لائف سائنس کی صلاحیتوں کو چین کی ڈیجیٹل خدمات، ای کامرس اور سپلائی چینز کے شعبوں کی طاقتوں سے جوڑنے میں مدد دے سکتا ہے۔
کراس نے کہا کہ متعلقہ شعبوں میں آسٹریلیا اور چین کی صلاحیتیں ایک دوسرے سے استفادہ کرتی ہیں۔
