بیجنگ (شِنہوا) چین کے آنجہانی رہنما ژو رونگ جی کی آخری رسومات منگل کے روز بیجنگ میں ادا کی جائیں گی۔
ژو رونگ جی 12 اگست کو 98 برس کی عمر میں انتقال کر گئے تھے۔ وہ کمیونسٹ پارٹی آف چائنہ (سی پی سی) کی 14ویں اور 15ویں مرکزی کمیٹیوں کے سیاسی بیورو کی قائمہ کمیٹی کے رکن اور ریاستی کونسل کے وزیراعظم کے عہدے پر فائز رہے۔
ان کی وفات پر سوگ کے اظہار کے لئے منگل کے روز تیان آن من سکوائر، شِنہوا من، عظیم عوامی ہال، وزارت خارجہ امور، صوبائی سطح کی سی پی سی کمیٹیوں اور صوبائی سطح کی حکومتوں کے مقامات، ہانگ کانگ خصوصی انتظامی خطے، مکاؤ خصوصی انتظامی خطے، سرحدی گزرگاہوں، بندرگاہوں اور ہوائی اڈوں پر قومی پرچم سرنگوں رہیں گے۔ چین کے سفارت خانوں اور قونصل خانوں پر بھی قومی پرچم سرنگوں رہیں گے۔
سی پی سی کی مرکزی کمیٹی، قومی عوامی کانگریس کی قائمہ کمیٹی، ریاستی کونسل اور چینی عوامی سیاسی مشاورتی کانفرنس کی قومی کمیٹی کی جانب سے مشترکہ طور پر جاری کردہ تعزیتی بیان میں ژو کو خراج عقیدت پیش کرتے ہوئے انہیں ایک بہترین پارٹی رکن، آزمودہ و وفادار کمیونسٹ مجاہد اور پرولتاری انقلابی، مدبر اور پارٹی و ریاست کا عظیم رہنما قرار دیا گیا ہے۔
