لاہور (لارڈ میڈیا): پنجاب کے تمام نجی اسکولوں میں 10 فیصد بچوں کو مفت تعلیم فراہم کرنے کی ہدایت دی گئی ہے۔ پنجاب اسمبلی کی قائمہ کمیٹی برائے سکول ایجوکیشن نے محکمہ تعلیم کو 10 دن کے اندر اس بات کو یقینی بنانے کا حکم دیا ہے۔ خلاف ورزی کرنے والے اسکولوں کے لائسنس منسوخ کرنے کی وارننگ دی گئی ہے۔
اجلاس میں انکشاف ہوا کہ 10 فیصد مفت تعلیم کی شرط پر مکمل عملدرآمد نہیں ہو رہا ہے۔ کمیٹی ارکان نے تجویز دی کہ محکمہ خود مستحق بچوں کو نجی اسکولوں میں داخلے کی تصدیق کرے بجائے اس کے کہ اسکولوں کے فراہم کردہ ڈیٹا پر انحصار کیا جائے۔
سیکرٹری سکول ایجوکیشن نے کہا کہ تمام نجی اسکولوں کا مکمل ڈیٹا اکٹھا کیا جائے گا تاکہ قانون پر مؤثر عملدرآمد یقینی بنایا جا سکے۔
