ہنوئی(شِنہوا) ویتنام نے اتوار کے روز جنوبی بحیرہ چین میں ایک ویتنامی جہاز کے ڈوبنے کے بعد تلاش اور امدادی کارروائیوں میں فوری تعاون پر چینی حکام کا شکریہ ادا کیا۔ اتوار کی دوپہر تک جہاز پر سوار 62 افراد میں سے 45 کو بچا لیا گیا تھا۔
ویتنام کی وزارت خارجہ کی ترجمان فام تھو ہانگ نے کہا کہ واقعے کے فوراً بعد ویتنامی حکام نے امدادی کارروائیاں شروع کر دیں اور جائے حادثہ کے قریب موجود چینی ریسکیو فورسز اور بحری جہازوں کے ساتھ قریبی رابطہ کیا۔
انہوں نے امید ظاہر کی کہ دونوں ممالک لاپتہ افراد کی تلاش کے لیے باہمی تعاون کو مزید جاری رکھیں گے۔
ویتنامی پرچم بردار جہاز خوئی نگوین 18 پر 62 افراد سوار تھے۔ یہ جہاز جنوبی بحیرہ چین میں نان شا جزائر کے یونگ شو ریف کے قریب نامساعد موسمی حالات میں سفر کے دوران ڈوب گیا۔
