چھانگشا (شِنہوا) چین کے وسطی صوبے ہونان میں آتش بازی کے کارخانے میں دھماکے سے 26 افراد ہلاک اور 61 زخمی ہوگئے۔
چھانگشا کے میئر چھن بوژانگ نے منگل کو ایک پریس کانفرنس میں متاثرین سے اظہار تعزیت کیا اور ان کے اہل خانہ، متاثرہ رہائشیوں اور عوام سے معذرت کی۔
انہوں نے کہا کہ ہمیں واقعے پر گہرا دکھ اور افسوس ہے۔
پریس کانفرنس سے قبل شرکاء نے متاثرین کی یاد میں ایک منٹ کی خاموشی اختیار کی۔
یہ دھماکہ پیر کی شام تقریباً 4 بج کر 43 منٹ پر صوبہ ہونان کے دارالحکومت چھانگشا کے زیرانتظام کاؤنٹی سطح کے شہر لیویانگ میں واقع ہواشینگ فائر ورکس مینوفیکچرنگ اینڈ ڈسپلے کمپنی کے کارخانے میں ہوا۔
