بیجنگ (شِنہوا) چین کی بجلی کی کھپت جو معاشی ترقی کا اہم پیمانہ ہے، 2026 کی پہلی سہ ماہی میں 25.1 کھرب کلوواٹ آور سے تجاوز کر گئی اور یہ گزشتہ سال کے مقابلے میں 5.2 فیصد اضافہ ظاہر کرتی ہے۔
اعداد و شمار کی تفصیل کے مطابق بنیادی شعبے میں بجلی کی کھپت میں 7.1 فیصد اضافہ ہوا جس کے ساتھ مجموعی کھپت 33.6 ارب کلوواٹ آور تک پہنچ گئی۔
ثانوی شعبے میں تقریباً 16 کھرب کلوواٹ آور بجلی استعمال ہوئی جو گزشتہ سال کے مقابلے میں 4.7 فیصد زیادہ ہے۔ اس شعبے میں ہائی ٹیک اور مشینری سازی کی صنعتوں میں خاص طور پر نمایاں اضافہ دیکھا گیا جہاں بجلی کی کھپت میں سالانہ بنیاد پر 8.6 فیصد اضافہ ہوا۔
خدمات کے شعبے میں بجلی کے استعمال میں 8.1 فیصد اضافہ ریکارڈ کیا گیا، جو 483.3 ارب کلوواٹ آور تک پہنچ گیا۔ خاص طور پر بیٹری چارجنگ اور سویپنگ سروس کے شعبے میں 37.6 ارب کلوواٹ آور بجلی استعمال ہوئی جس میں 53.8 فیصد کا نمایاں اضافہ ہوا جبکہ انٹرنیٹ ڈیٹا سروس کے شعبے میں 22.9 ارب کلوواٹ آور بجلی استعمال ہوئی جو 44 فیصد زیادہ ہے۔
صرف مارچ کے مہینے میں بجلی کی کھپت 859.5 ارب کلوواٹ آور رہی جو گزشتہ سال سے 3.5 فیصد اضافہ ظاہر کرتی ہے۔
چین کی معیشت نے پہلی سہ ماہی میں 5 فیصد ترقی کی جو بعض غیر ملکی اداروں کی توقعات سے زیادہ ہے اور عالمی معیشت میں بڑھتی ہوئی غیر یقینی صورتحال کے درمیان چین کے ایک مستحکم قوت کے کردار کو مزید مضبوط کرتی ہے۔
