بیجنگ (شِنہوا) چین میں 2026 کے پہلے 7 ماہ کے دوران ہوا اور پانی کے معیار میں مسلسل بہتری ریکارڈ کی گئی۔ وزارت ایکالوجی اینڈ انوائرمنٹ نے جمعرات کو بتایا کہ ملک نے فضائی آلودگی پر قابو پانے اور آبی وسائل کے تحفظ کے لئے کوششیں مزید تیز کر دی ہیں۔
چین کے وزیر ایکالوجی اینڈ انوائرمنٹ ہوانگ رون چھیو نے ایک پریس کانفرنس میں بتایا کہ رواں سال کے پہلے 7 ماہ کے دوران فضائی آلودگی کی اہم پیمائش پی ایم 2.5 کی اوسط مقدار گزشتہ سال کے اسی عرصے کے مقابلے میں 1.8 مائیکرو گرام فی مکعب میٹر کم ہوئی جو 6.2 فیصد کمی ہے۔
اسی عرصے کے دوران اچھی فضائی معیار والے دنوں کی شرح میں گزشتہ سال کے مقابلے میں 3.9 فیصد پوائنٹس اضافہ ہوا۔
وزارت نے بتایا کہ اس عرصے کے دوران چین میں زیر نگرانی 86.5 فیصد پانی کا معیار درجہ اول سے سوم کے درمیان رہا جو پانی کے اچھے معیار کو ظاہر کرتا ہے۔ یہ شرح گزشتہ سال کے اسی عرصے کے مقابلے میں 2.4 فیصد پوائنٹس زیادہ ہے۔
چین پانی کے معیار کو پانچ درجات میں تقسیم کرتا ہے، جن میں کلاس اول پانی کے بہترین معیار کو ظاہر کرتا ہے۔
