بیونس آئرس (لارڈ میڈیا): فیفا ورلڈ کپ 2026 کے فائنل میں اسپین کے ہاتھوں 0-1 سے شکست کے بعد ارجنٹائن کی قومی فٹبال ٹیم وطن واپس پہنچ گئی، جہاں ہزاروں مداحوں نے سرد موسم اور بارش کے باوجود اپنے ہیروز کا شاندار استقبال کیا۔ تاہم، لیونل میسی ٹیم کے ہمراہ ارجنٹائن واپس نہیں آئے، جس پر مداح حیران رہ گئے۔
ارجنٹائن فٹبال ایسوسی ایشن نے اعلان کیا تھا کہ تمام کھلاڑی ایک ہی پرواز کے ذریعے واپس نہیں آئیں گے۔ بین الاقوامی میڈیا رپورٹس کے مطابق میسی اور روڈریگو ڈی پال آرام کی غرض سے براہ راست میامی روانہ ہوگئے تھے۔
ذرائع کے مطابق میسی کچھ وقت اپنے گھر پر گزارنے کے بعد روزاریو میں اپنے خاندان سے ملنے ارجنٹائن جائیں گے۔ ارجنٹائن فٹبال ایسوسی ایشن نے بتایا کہ دیگر 9 کھلاڑی بھی ٹیم کے ساتھ واپس نہیں آئے۔
39 سالہ میسی نے ورلڈ کپ کے فائنل میں شکست کے ایک روز بعد سوشل میڈیا پر جذباتی پیغام جاری کیا۔ انہوں نے کہا کہ زخم بھرنے میں وقت لگے گا، لیکن ارجنٹائن کا فائنل تک پہنچنا فخر کا باعث ہے۔
دوسری جانب، ارجنٹائن کی قومی ٹیم کے کوچ لیونل اسکیلونی اور دیگر کھلاڑیوں کا بیونس آئرس پہنچنے پر شاندار استقبال کیا گیا۔ مداحوں نے اپنی ٹیم کی شکست کے باوجود بھرپور حوصلہ افزائی کی۔
