میامی (لارڈ میڈیا): ارجنٹینا کے کپتان لیونل میسی نے فٹبال ورلڈ کپ میں کیپ ورڈے کے خلاف سخت مقابلے کے بعد زخمی حالت میں بھی مداحوں کے دل جیت لیے۔ میسی کی کارکردگی کی بدولت ارجنٹینا نے کیپ ورڈے کو 3-2 سے شکست دی۔
یہ میچ ارجنٹینا کے لیے آسان نہیں تھا۔ کیپ ورڈے کے ڈیفنڈرز نے میسی کو گیند سے دور رکھنے کی بھرپور کوشش کی، مگر میچ کے آخری لمحات میں میسی کا سر مخالف کھلاڑی کے گھٹنے سے ٹکرا گیا۔
میچ کے بعد کیپ ورڈے کے کھلاڑی جو میسی کو روکنے کی کوشش میں مصروف تھے، ان کے ساتھ تصاویر بنوانے کے لیے قطار میں کھڑے نظر آئے۔ سوشل میڈیا پر یہ مناظر وائرل ہوگئے، جن میں حریف کھلاڑیوں کی میسی کے لیے احترام واضح تھا۔
کیپ ورڈے کے ایک کھلاڑی نے کہا کہ میسی کے خلاف کھیلنا ہمارے لیے اعزاز ہے، وہ فٹبال کی دنیا کے لیجنڈ ہیں۔
میسی نے اس میچ میں ایک گول کیا اور اپنی ٹیم کو فتح دلائی۔ اسی کے ساتھ انہوں نے ارجنٹینا کے پرانے فٹ بالر ڈیاگو میراڈونا کا ریکارڈ توڑ دیا، اور ورلڈ کپ کی تاریخ میں سب سے زیادہ گولز میں مدد فراہم کرنے والے کھلاڑی بن گئے۔
اس جیت کے ساتھ ارجنٹینا اگلے راؤنڈ میں پہنچ گئی ہے، جہاں وہ اپنے ورلڈ کپ کے ٹائٹل کو بچانے کی کوشش جاری رکھے گی۔
