ٹیکساس (لارڈ میڈیا): امریکی ریاست ٹیکساس میں ایک ٹیسلا گاڑی آٹوپائلٹ موڈ میں بےقابو ہوکر ایک گھر میں گھس گئی، جس کے نتیجے میں 76 سالہ خاتون مارتھا اویلا ہلاک ہوگئیں۔ واقعہ 19 جون کو شہر کیٹی میں پیش آیا۔ امریکی حکام نے حادثے کی باضابطہ تحقیقات شروع کر دی ہیں تاکہ آٹوپائلٹ نظام کے کردار کا تعین کیا جا سکے۔
ڈرائیور مائیکل بٹلر نے دعویٰ کیا کہ حادثے کے وقت گاڑی کا آٹوپائلٹ نظام فعال تھا، جبکہ ٹیسلا کے آٹوپائلٹ کے سربراہ اشوک ایلسوامی نے کہا کہ ڈرائیور نے ایکسیلیریٹر دبا کر نظام کو اووررائیڈ کیا۔ گاڑی تقریباً 73 میل فی گھنٹہ کی رفتار سے چل رہی تھی۔
امریکی روڈ سیفٹی ادارے نے اس حادثے کی خصوصی تحقیقات شروع کر دی ہیں تاکہ معلوم ہو سکے کہ آیا آٹوپائلٹ نظام کی کوئی خرابی حادثے کا سبب بنی یا نہیں۔ ادارہ پہلے ہی متعدد تحقیقات کر رہا ہے۔
