سان فرانسسکو (لارڈ میڈیا): آسٹریا نے فیفا ورلڈکپ میں شاندار کارکردگی دکھاتے ہوئے نووارد اردن کو 1-3 سے شکست دے دی۔ یہ کامیابی آسٹریا کو 1990 کے بعد پہلی مرتبہ ورلڈکپ میں ملی ہے۔
اس دلچسپ مقابلے میں دونوں ٹیموں نے جارحانہ کھیل پیش کیا، تاہم آخری لمحات میں آسٹریا نے برتری حاصل کر لی۔ میچ کا پہلا گول 21ویں منٹ میں آسٹریا کے رومانو شمڈ نے کیا۔ اردن نے ہمت نہ ہاری اور دوسرے ہاف کے آغاز کے پانچ منٹ بعد ہی علی علوان کے شاندار گول کی بدولت مقابلہ برابر کر دیا۔
آسٹریا کے مارکو آرناؤٹووچ نے ایک موقع پر گول بھی کیا لیکن وی اے آر جائزے کے بعد یہ گول ہینڈ بال کی وجہ سے مسترد کر دیا گیا۔ تاہم 76ویں منٹ میں اردن کے دفاعی کھلاڑی یزن العرب سے ہونے والے بدقسمت اون گول نے آسٹریا کو دوبارہ برتری دلا دی۔
اضافی وقت میں مارکو آرناؤٹووچ نے پنالٹی پر گول کر کے فتح پر مہر ثبت کر دی۔ اس کامیابی کے بعد آسٹریا کا اگلا مقابلہ ارجنٹینا سے ہوگا جبکہ اردن الجزائر کے خلاف مثبت نتیجے کی تلاش میں میدان میں اترے گا۔
