ممبئی (لارڈ میڈیا): بالی وڈ اداکارہ پریانکا چوپڑا کی والدہ ڈاکٹر مدھو چوپڑا نے بالوں کی صحت کے لیے گھریلو ہیئر ماسک کی ترکیب شیئر کی ہے۔ مدھو چوپڑا نے بتایا کہ وہ ناریل کے تیل، میتھی دانوں، روز میری، چاول کے پانی اور چیا سیڈز سے ایک خاص ماسک تیار کرتی ہیں۔
مدھو چوپڑا کے مطابق یہ ماسک بالوں کی قوت اور چمک کو بحال رکھنے میں مددگار ثابت ہوتا ہے۔ انہوں نے انسٹاگرام پر کہا کہ ماسک کو بالوں پر ایک گھنٹے تک لگا رہنے دیا جائے اور پھر دھو لیا جائے۔
73 سالہ مدھو چوپڑا نے مزید بتایا کہ یہ ماسک ان کے ماہانہ ہیئر کیئر روٹین کا حصہ ہے، اور وہ ہر ہفتے مختلف طریقوں سے بالوں کی دیکھ بھال کرتی ہیں۔
مدھو چوپڑا پہلے بھی گھریلو خوبصورتی کے نسخے شیئر کر چکی ہیں، جن میں جلد کی نگہداشت کے لیے بیسن، دہی اور دیگر اجزاء پر مشتمل ماسک شامل ہے۔
ان کے نسخے سوشل میڈیا پر خاصی توجہ حاصل کر رہے ہیں اور بیوٹی ٹپس میں دلچسپی رکھنے والے افراد ان کو آزمانے میں دلچسپی رکھتے ہیں۔
