واشنگٹن(شِنہوا)امریکی صدر کے خصوصی ایلچی سٹیو وٹکوف نے کہا ہے کہ امریکہ کے حکام، برطانیہ، فرانس، جرمنی کے قومی سلامتی کے مشیروں اور یوکرین کے اعلیٰ امن مذاکرات کار نے ٹیلی فون کال پر یورپی امن عمل کے اگلے مراحل کو آگے بڑھانے پر بات چیت کی ہے۔
سماجی رابطے کے پلیٹ فارم ایکس پر انہوں نے کہا کہ ہم نے اس بات پر توجہ مرکوز کی ہے کہ امریکی صدر کے تجویز کردہ امن عمل پر بات چیت کو عملی طور پر کیسے آگے بڑھایا جائے، جس میں سلامتی کی ضمانتوں کو مضبوط بنانا اور تنازع سے بچاؤ کا موثر طریقہ کار وضع کرنا شامل ہے تاکہ جنگ کے خاتمے میں مدد دی جا سکے اور اس بات کو یقینی بنایا جا سکے کہ لڑائی دوبارہ شروع نہیں ہو گی۔
انہوں نے کہا کہ یوکرین کے لئے خوشحالی کے پیکج پر بھی تبادلہ خیال کیا گیا ہے۔
ان کا کہنا تھا کہ بہت سی اضافی تفصیلات پر بھی گفت وشنید کی گئی ہے اور ہم نئے سال میں بھی اس اہم کام اور رابطوں کو جاری رکھیں گے۔
