اسلام آباد ہائیکورٹ نے رواں سال 15 ہزار 805 مقدمات نمٹا دیئے۔
ذرائع کے مطابق اسلام آباد ہائی کورٹ کی جانب سے سال 2025کی جاری کی گئی کارکردگی رپورٹ کے مطابق رواں سال سنگل بینچ نے 11108جبکہ لارجر اور ڈویژن بنچز نے 4697مقدمات نمٹائے۔
رپورٹ کے مطابق جسٹس انعام امین منہاس 2039مقدمات نمٹا کر پہلے،جسٹس محمد اعظم خان 1841کیسز نمٹا کر دوسرے، جسٹس محمد آصف 1338 کیسز نمٹا کر تیسرے نمبر پر رہے۔
رپورٹ کے مطابق چیف جسٹس سرفراز ڈوگر نے 1223کیسز اور بطورقائم مقام چیف جسٹس 13مقدمات نمٹائے، جسٹس محسن اختر کیانی نے 1081، جسٹس میاں گل حسن اورنگزیب نے 107، جسٹس طارق محمود جہانگیری نے 706، جسٹس بابر ستار نے 387، جسٹس سردار اعجاز اسحاق خان نے 347، جسٹس ارباب محمد طاہر نے 812 ،جسٹس ثمن رفعت امتیاز نے 685، جسٹس خادم حسین سومرو نے 529مقدمات نمٹائے۔
رپورٹ کے مطابق چیف جسٹس، جسٹس ارباب محمد طاہر اور جسٹس اعظم خان پر مشتمل لارجر بینچ نے 32کیسز نمٹائے۔ چیف جسٹس، جسٹس اعظم خان اور جسٹس انعام امین منہاس پر مشتمل لارجر بینچ نے ایک کیس نمٹایا۔جسٹس طارق محمود جہانگیری، جسٹس بابر ستار اور جسٹس سردار اعجاز اسحاق خان پر مشتمل لارجر بینچ نے ایک کیس نمٹایا، جسٹس خادم حسین سومرو، جسٹس اعظم خان اور جسٹس انعام امین منہاس پر مشتمل لارجر بینچ نے ایک کیس نمٹایا، چیف جسٹس اور جسٹس طارق محمود جہانگیری پر مشتمل ڈویژن بینچ نے 2مقدمات نمٹائے۔
رپورٹ کے مطابق ڈویژن بینچ میں سے جسٹس بابر ستار اور جسٹس سردار اعجاز اسحاق خان پر مشتمل بینچ نے سب سے زیادہ 412 مقدمات کا فیصلہ سنایا ۔
