لیڈی ریڈنگ ہسپتال کے نیورو سرجری ڈیپارٹمنٹ نے پہلی بار دماغ کی شریان کے جدید کیمروں، مشین سے 15 کامیاب آپریشنز کرلئے۔
ترجمان ایل آر ایچ محمد عاصم نے بتایا کہ ہسپتال کے مختلف یونٹس نے مل کر ٹیم ورک کے ذریعے مشن میں اہم کردار ادا کیا۔
دماغ کی شریان کے کامیاب آپریشن پاکستانی نژاد ڈاکٹر عقیل پاپانی اور ایل آر ایچ نیورو سرجری کی ٹیم نے سرانجام دیئے۔
ترجمان نے بتایا کہ امریکہ سے آئے ڈاکٹر عقیل پاپانی نے ایک کروڑ سے زیادہ کا خرچہ خود برداشت کیا اور تمام آپریشن بالکل مفت کیے گئے۔
ترجمان نے بتایا کہ ایل آر ایچ کے ڈین پروفیسر صاحبزادہ محمود نور اور ہسپتال ڈائریکٹر ڈاکٹر محمد ابرار خان نے مشن کی کامیابی کے لئے بھرپور انتظامی مدد فراہم کی۔
