پاکستان کے مایہ ناز بلے باز اور جارح مزاج سٹار آل رانڈر شاہد خان آفریدی سے لو گ بے پناہ محبت کرتے ہیں اور وہ جہاں بھی جاتے ہیں ان کے چاہنے والے اپنے پسندیدہ ہیرو کو گھیر لیتے ہیں ان سے پیار کرتے ہیں۔
ایسا ہی ایک واقعہ حال ہی میں لندن میں پیش آیا، شاہد آفریدی ان دنوں لندن میں ہیں، گزشتہ روز بوم بوم آفریدی کی ایک ویڈیو سوشل میڈیا پر وائرل ہوئی ہے جس میں وہ اپنے مداحوں میں گھرے ہوئے نظر آرہے ہیں جو اپنے محبوب کھلاڑی سے پیار کرتے ہیں، مداحوں میں ایک نوجوان جوڑا بھی موجود ہے جس میں مداح لڑکی اپنے شوہر اور بچے کے ہمراہ آفریدی سے ملکر بے حد خوش ہوتی ہے اور جذبات میں کہتی ہے آپ حقیقت میں بہت ہی ہینڈسم ہیں، بہت سمارٹ ہیں جس پر آفریدی نے فورا مسکراتے ہوئے نہایت شائستگی سے جواب دیا بیٹا، یہ بات آپ ایک نانا کو کہہ رہی ہیں، شاہد آفریدی کے اس ایک جملے نے نہ صرف محفل میں موجود لوگوں کو ہنسا دیا بلکہ ان کا یہ جملہ سوشل میڈیا پر بھی خوب زیرِ بحث رہا اور صارفین نے اپنے اپنے انداز میں ردِعمل دیا اور اکثریت نے لڑکی کی تعریف پر خاصی تنقید کی، کچھ نے لڑکی کی تعریف کو حد سے زیادہ جذباتی قرار دیتے ہوئے کہا کہ ایسی گفتگو مناسب نہیں تھی، ایک صارف نے لکھا لوگ خود کو کیوں شرمندہ کرتے ہیں؟ اپنے باپ کی عمر کے بندے کی ایسی تعریف کیوں کرتی ہیں، ایک اور نے کہا آفریدی نے ایک باوقار شوہر اور باپ کی طرح جواب دیا، لڑکی کو اپنے الفاظ میں احتیاط رکھنی چاہئے تھی۔
دوسری جانب بہت سے صارفین نے لڑکی کا دفاع بھی کیا اور اسے صرف ایک فین مومنٹ قرار دیا ایک نے کہا یار کچھ نہیں تھا اس میں، وہ صرف اپنے ہیرو کو دیکھ کر خوش ہوگئی تھی، ایک خاتون صارف نے لکھا کیوٹ! میں تو حیران ہوں کہ لوگ اس پر بھی منفی ردعمل کیوں دے رہے ہیں، آفریدی نے تو ہمیشہ کی طرح بہت مہذب انداز میں جواب دیا، کچھ صارفین نے رائے دی کہ آفریدی مزید ہلکے پھلکے انداز میں جواب دے سکتے تھے تاکہ لڑکی اتنی شرمندہ نہ ہوتی۔
