واشنگٹن (لارڈ میڈیا): امریکی صدر ڈونلڈ ٹرمپ نے کینیڈا سے تجارتی جنگ کے دوران جھیل اونٹاریو کا نام تبدیل کرکے ‘جھیل امریکا’ رکھنے کا اعلان کیا ہے۔ یہ فیصلہ صدر ٹرمپ نے جمعرات کو ایک صدارتی حکم نامے پر دستخط کرتے ہوئے کیا۔
امریکی وزیر داخلہ ڈگ برگم اور دیگر اعلیٰ حکام کی موجودگی میں اوول آفس میں دستخط کی تقریب منعقد ہوئی۔ ٹرمپ نے کہا کہ یہ نام فوری نافذ العمل ہوگا اور جغرافیائی ناموں کے نظام میں تبدیلی کی جائے گی۔
یہ اقدام امریکا اور کینیڈا کے درمیان جاری تجارتی تنازع کے دوران سامنے آیا ہے، جب امریکا نے کینیڈین مصنوعات پر 50 فیصد ٹیرف عائد کیا ہے۔
کینیڈا کے وزیراعظم مارک کارنی نے سخت ردعمل دیتے ہوئے کہا کہ جھیل اونٹاریو کا نام تاریخی اہمیت کا حامل ہے اور یہ ہمیشہ جھیل اونٹاریو ہی رہے گی۔ انہوں نے اعلان کیا کہ 8 ستمبر سے امریکی مصنوعات پر تجارتی ٹیرف نافذ کیے جائیں گے۔
