ہانگ کانگ ٹریڈ ڈویلپمنٹ کونسل (ایچ کے ٹی ڈی سی) کے زیر اہتمام 36ویں فوڈ ایکسپو ہانگ کانگ کنونشن اینڈ ایگزیبیشن سینٹر میں جاری ہے۔
13 سے 17 اگست تک جاری رہنے والی اس نمائش میں مقامی اور بین الاقوامی نمائش کنندگان کی جانب سے مختلف لذیذ کھانے پیش کئے جا رہے ہیں جبکہ بڑی تعداد میں آنے والے شرکا موقع پر ہی خریداری کر رہے ہیں۔
ساؤنڈ بائٹ 1 (چینی): مسٹر ہوئی، ہانگ کانگ کا شہری
’’میں نے ابالون اور کپ نوڈلز کا ایک پیکٹ خریدا ہے۔ ہم سب یہاں آ کر خریداری کرتے ہیں اور شراب بھی خریدتے ہیں۔
(سوال، آپ اس نمائش کے بارے میں کیا سوچتے ہیں؟)
یہ نمائش بہت اچھی ہے۔ یہاں بہت سی ایسی چیزیں موجود ہیں جو آپ کھانا چاہتے ہیں اور کچھ ایسی بھی ہیں جن کے بارے میں آپ نے سوچا بھی نہیں ہوتا۔ یہاں مختلف اقسام کی بہت سی چیزیں دستیاب ہیں۔ آپ یہاں دنیا بھر کے لذیذ کھانوں سمیت مختلف قسم کی اشیا سے لطف اندوز ہو سکتے ہیں۔‘‘
ساؤنڈ بائٹ 2 (چینی): مسٹر لو، نمائش کنندہ
’’ہم ایک ایسے چائے خانے سے وابستہ ہیں جس کی تاریخ 100 سال سے بھی پرانی ہے۔ ہم شروع سے ہی اس نمائش میں باقاعدگی سے شریک ہوتے آئے ہیں۔ ہمیں امید ہے کہ اس کے ذریعے ہم کچھ روایتی ثقافت کو متعارف کرائیں گے اور ہانگ کانگ کے لوگوں کو مختلف اقسام کی چائے سے مزید روشناس کرائیں گے۔ یہ اس نمائش میں ہماری 15ویں شرکت ہے۔‘‘
ساؤنڈ بائٹ 3 (چینی): مسٹر یو، نمائش کنندہ
’’ہانگ کانگ کے اس میلے کے ذریعے ہمیں دنیا کے متعدد معروف برانڈز کے درمیان اپنی مصنوعات متعارف کرانے کا موقع ملا ہے۔ اس کے علاوہ غیر ملکی اسنیک برانڈز، بیرونِ ملک تقسیم کاروں اور عالمی سطح کے کاروباری شراکت داروں کے ساتھ ممکنہ تعاون کے مواقع بھی حاصل ہوئے ہیں۔ رواں برس ہم مل کر برانڈز تیار کرنے کے مزید مواقع تلاش کرنے کے لئے اس نمائش میں آئے ہیں۔‘‘
ہانگ کانگ، چین سے شِنہوا نیوز ایجنسی کے نمائندوں کی رپورٹ
