یاونڈے میں بدھ کے روز 10 روزہ سروے کی تربیتی پروگرام اختتام پذیر ہوا جس سے طلبہ اور مقامی ملازمین کو کیمرون کے بڑھتے ہوئے بنیادی ڈھانچے کے شعبے کے لئے عملی مہارتیں حاصل کرنے میں مدد ملی۔
کیمرون کے نیشنل ایڈوانسڈ اسکول آف پبلک ورکس میں منعقدہ اس تربیتی پروگرام میں54 افراد نے تربیت حاصل کی جن میں 30 طلبہ اور چائنہ فرسٹ ہائی وے انجینئرنگ کمپنی لمیٹڈ (سی ایف ایچ ای سی) کے 24 مقامی ملازمین شامل تھے۔
چینی ماہرین اور مقامی اساتذہ نے شرکا کو سروے کے نظریاتی اصول، آلات کے استعمال، ڈرون کے ذریعے سروے، تعمیراتی مقام پر حفاظتی اقدامات اور انجینئرنگ سے متعلق چینی زبان کی بنیادی اصطلاحات کی تربیت فراہم کی۔
ساؤنڈ بائٹ 1 (انگریزی): اکونگبون اسٹیو ریان، طالبعلم, نیشنل ایڈوانسڈ اسکول آف پبلک ورکس(ای این ایس ٹی پی)، کیمرون
’’مجھے یقین ہے کہ یہ پروگرام زمین کی پیمائش اور نقشہ سازی کے ماہر کے طور پر میرے مستقبل کے کیریئر میں بہت مددگار ثابت ہوگا۔ یہاں سے جو علم اور تجربہ مجھے حاصل ہوا میں اس کے ذریعے اپنے ملک کی بہتر خدمت کر سکتا ہوں۔
مجھے یقین ہے کہ زمین کی پیمائش اور نقشہ سازی کی اپنی مہارتوں کے ذریعے ملک کی تعمیر میں اہم کردار ادا کروں گا۔‘‘
ساؤنڈ بائٹ 2 (انگریزی): پرنس ٹیمبلا کلووس تاحام، ملازم، سی ایف ایچ ای سی، کیمرون
’’یہ میرے کیریئر کے لئے ایک اہم سنگِ میل ہے۔ کیونکہ اب مجھے لگتا ہے کہ میں نے بہت کچھ سیکھ لیا ہے۔ جو تجربہ مجھے حاصل ہوا ہے اس کی بدولت مجھے یقین ہے کہ میں زندگی میں آگے بڑھتا رہوں گا۔‘‘
یہ پروگرام فنی مہارتوں کو مضبوط بنانے اور کلاس روم کی تعلیم کو تعمیراتی منصوبوں کی عملی ضروریات سے ہم آہنگ کرنے کی کوششوں کا حصہ ہے۔
ساؤنڈ بائٹ 3 (فرانسیسی): وو جیا شُن، سی ایف ایچ ای سی سینٹرل افریقہ ریجنل سینٹر
’’میں آپ سے ایک وعدہ کرنا چاہتا ہوں۔ یہ تربیت ہمارا آخری سیشن نہیں ہوگی۔ امید ہے کہ ہم اسے نہ صرف جاری رکھیں گے بلکہ مزید وسعت بھی دیں گے۔
ہم اعلیٰ تعلیم کی وزارت اور ای این ایس ٹی پی کو تجویز دیتے ہیں کہ اس تعاون کو طویل مدتی بنانے کے طریقوں کا جائزہ لیا جائے۔‘‘
یاونڈے سے شِنہوا نیوز ایجنسی کے نمائندوں کی رپورٹ
