ماسکو (لارڈ میڈیا): یوکرین نے روس کے علاقے تاتارستان کے شہر نزنیکمسک میں ڈرون حملے کیے جس کے نتیجے میں 12 افراد ہلاک اور متعدد زخمی ہو گئے ہیں۔ روسی سرکاری میڈیا کے مطابق ان حملوں میں صنعتی اور شہری اہداف کو نشانہ بنایا گیا۔
شہر کے میئر رادمیر بیلیایف نے ٹیلی گرام پر بیان جاری کرتے ہوئے کہا کہ حملے میں غیر متعینہ صنعتی اور شہری اہداف کو نشانہ بنایا گیا ہے۔ روسی میڈیا کے مطابق خطے کی آئل ریفائنری، جو کہ روس کی سب سے زیادہ ترقی یافتہ ریفائنری میں شامل ہے، کو بھی نقصان پہنچا ہے۔
سوشل میڈیا پر غیر تصدیق شدہ ویڈیوز میں آئل ریفائنری کے اوپر سے دھواں اٹھتے ہوئے دیکھا گیا، تاہم رائٹرز ان ویڈیوز کی تصدیق نہیں کر سکا۔ ٹینیکو ریفائنری، جو پہلے بھی یوکرائن کی زد میں آ چکی ہے، نے 2024 میں 17 ملین ٹن خام تیل کی پیداوار کی تھی۔
