سڈنی (شِنہوا) جزائر سلیمان کے وزیراعظم میتھیو والے نے ایک بار پھر اس عزم کا اعادہ کیا کہ ان کی حکومت ایک چین کے اصول پر مضبوطی سے کاربند رہے گی اور یہی اصول جزائر سلیمان اور چین کے درمیان تعلقات کی بنیاد ہے۔
پارلیمنٹ سے خطاب کرتے ہوئے میتھیو والے نے کہا کہ عوامی جمہوریہ چین کے ساتھ ہمارے تعلقات ہماری ترقی کے لئے اہم ہیں۔ ہماری حکومت ایک چین کے اصول سے اپنی مسلسل وابستگی کا اعادہ کرتی ہے جو ہمارے دوطرفہ تعلقات کی بنیاد ہے۔
جزائر سلیمان کے وزیراعظم کے دفتر سے جاری بیان کے مطابق میتھیو والے نے کہا کہ حکومت کی خارجہ پالیسی تسلسل، باہمی احترام اور جزائر سلیمان کے عوام کو عملی فوائد پہنچانے کے اصولوں پر مبنی ہے۔
انہوں نے کہا کہ جزائر سلیمان اپنی بین الاقوامی تعلقات میں اصولی اور مستقل موقف برقرار رکھتے ہوئے تمام شراکت داروں کے ساتھ تعمیری انداز میں تعاون جاری رکھے گا۔
